Raportên Peyamnêran

Bi hezaran kes li Amedê ji hukumetê yasayên aştiyê xwestin

Fri, 22 May 2026 11:00:00 +1000

Foruma Aşitiyê hefteya buhurî li Amedê pêk hate. Ahmet Turk yek ji mêvanên komxebatê bû. Wî hizir û nêrînên xwe li ser rewşa aşitiyê anî ziman. Herweha di dawiya hefteyê de jî DEM Partî li Amedê bi navê 'Jibo aşitiyê gavek' xwepeşandanek lidarxist. Bi hezaran kes ji hukumetê xwestin ku ji bo aşitiyê yasayan derxe. Parlamentera Şirnexê Ayşegul Dogan li ser rewşa siyasî ji bo gohdarên SBS Kurdî nîrxandinan dan.

Ji bo bihîstina babetên din serî li sbs.com.au/language/kurdish/ku/guhdar-bike

Îbrahîm Xelîl li ber guhertina stratejîk: Tirkiyê rêya Sûriyê vedike

Wed, 20 May 2026 16:10:00 +1000

Di pêşkeftineke nû d, yekemîn karwana barhilgirên bazirganî yên Tirkiyê ji Sûriyê gihîştin nav axa Iraqê. Ev gav tenê guhertinekê di xetên veguhestinê de nake, belku destpêka qonaxeke nû ya stratîjîke ku rasterast gefê li serdestiya dergehê navdewletî yê "Îbrahîm Xelîl" û pêgeha Herêma Kurdistanê dike, ku ji bo gelek salan wek tenê dergehê serekî yê bazirganiya di navbera Tirkiyê û Iraqê de dihate dîtin.

Ji alîyekê din, zêdetirî saleke ku pêvajoya hilbijartina parlamenê li Herêma Kurdistanê birêve diçe, lê ji ber berdewamiya nakokî û rêknekeftina di navbera herdu partiyên desthilatdar (Partiya Demokratî Kurdistan û Yekîtiya Niştimanî Kurdistan), ta niha jî hukûmeteke nû pêknehatiye. Zedetir di raporta Ehmed Xefûr ji Hewlêrê heye.

Ji bo bihîstina babetên din serî li sbs.com.au/language/kurdish/ku/guhdar-bike

15ê Gulanê: Daxwaza fermîbûna zimanê Kurdî û parastina nasnameyê dibe

Fri, 15 May 2026 10:00:00 +1000

Roja 15ê Gulanê wek “Roja Zimanê Kurdî” tê pîrozkirin. Li Amed ji bo vê rojê hefteyek çalakî, konser û bernameyên çandî têne lidarxistin da ku girîngiya zimanê Kurdî were nîşandan. Gotina “Statuya Kurdî tê xwestin” ku tê vê wateyê ku xelk dixwaze zimanê Kurdî di asta fermî de were naskirin û li xwendegeh, sazî û di jiyana fermî de were bikaranîn. Nûçêgîhan Hatice Kamer ji Amedê ji me re behsa vê rojê dike.

Êzîdî di hukûmeta nû ya Iraqê de nûneratiyeke dadperwer dixwazin

Thu, 14 May 2026 11:00:00 +1000

Hejmara Êzidiyan li Iraqê û Herêma Kurdistanê nêzikî 550 hezar kese. Ew ji hukûmeta Iraqê ya nû daxwaz dikin ku Wezareta Koçberî û Awareyan bidin wan û fişareke tund dikin ku ev wezaret ji bo Êzidiyan be. Li Alîyekî din, binpêkirinên li dijî xwezaya Herêma Kurdistanê gelekî zêde bûne û jîngeha Kurdistanê bi qirêjiyeke mezin re rû bi rû maye. Ev binpêkirin, ku birrîna daristanan û rijandina bermayên pîşesaziyê di nav çem û zeviyan de dihewîne, bûne sedema têkdana hevsengiya ekolojîk û guherîna avhewayê.

Amedspor bi serkeftina Super Lîg bû sembola neteweyî

Fri, 08 May 2026 14:00:00 +1000

Tîmê futbola Amedê, Amedspor çû Super lîga Tirkîye. Ev serkeftin di nav Kurdan de kêfxweşiyeke mezin çêkir. Ev tîm êdî weke sembola Kurdan e, yek ji wan tîman e ku ji du milyonî zêdetir alîgirên xwe yên fermî hene. Serkomarê Tirkiyê Recep Tayyîp Erdogan, Sertokê MHPê Devlet Bahçelî jî serkeftina Amedspor pîroz kirin. Hêjayî gotinê ye ku Devlet Bahçelî sê salan berê di gotibû "Ji bo me cîhek bi navê Amedê nîne.’’ Lê hin şîrovekar îdia dikin ku serkeftina Amedsporê ji encama pêvajoya siyasî ye ku du sal in li Tirkiye didome ye.

Alîkariya leşkerî ya Amerîka ji bo Kurdan dibe sedema aloziyên siyasî li Herêma Kurdistanê

Fri, 08 May 2026 11:00:00 +1000

Daxuyanîyeke nû ya Donald Trump, serokê Amerîka, derbarê dayîna çek û alîkarîya leşkerî bb Kurdan re, pêleke berfireh a bertek û nîqaşan di navenda siyasî û medyayî ya Herêma Kurdistanê de çêkiriye. Ev yek bûye sedema derketina cureyeke ji hevrikîya medyayî di navbera alîgir û kadroyên PDK û YNK ku her aliyek yê din bi birina çekan tohmetbar dike.

Festivala Şanoya Amedê ya Navnetewî bi 22 lîstikan destpê kir

Thu, 30 Apr 2026 16:54:00 +1000

Yanzdemîn Festivala Şanoya Amedê ya Navnetewî di 22ê Nîsanê de destpêkir ku heta 2ê Gulanê bi bernameyên rengin û dewlemend dê bidome. Ji 19 welatan 22 lîstik dê werin pêşkêşkirin. Berfîn Zenderlîoglu û Merîwan Helepçeyî derbarê festîvalê de diaxivin. Doktor Sabir Ebdulahîzad, jibo gohdarên SBS Kurdî li ser têgeh û ferhenga Yasaya Kurdî zanyarîyan dide.

Li rojavayê Mûsilê goreke komî ya Êzîdîyane nû dîtine

Wed, 29 Apr 2026 15:21:00 +1000

Rêxistineke mafên mirovan li Şingalê eşkere kir ku, 561 bermayên qurbaniyên Şingalê li pizîşkiya dadî ya Bexdayê mane û nasnameyên wan nehatine eşkerekirin. Heta niha 857 berma ji nava gorên komî hatine derxistin.

Trajîdiya Xezalê - Pêşmergeya li ber deriyê nexweşxaneyê can da

Thu, 23 Apr 2026 16:48:00 +1000

Xezal pêşmergeyek gênc bû, piştî ku Komara Îslamî ya Îranê ew li Herêma Kurdistanê bi firokên bê firokvan birîndar kir. Ew ji ber birînên giran hate veguhestin bo bajarê Silêmaniyê. Lê nexweşxaneyê Xezal Mewlan wernegirt. Piştre, ew hat veguhestin bo nexweşxaneyeke din, lê li wir ji ber birîna dijwar jiyana xwe ji dest da. Dermannekirina wê di nexweşxaneyê de gelek hereş e û rexne çê kir. Çima nexweşxaneyan ew wernegirtin? Herweha di raporê de hat gotin ku, piştî ku YNK û PDK li hev nekirin, gelek kes li Herêma Kurdistanê behsa birêvebirina du îdareyan dikin: yek li Hewlêr û yek li Silêmanî.

Doza Gulîstanê fireh dibe: Kurê walî û bavê wî jî di nav tawanbaran de

Wed, 22 Apr 2026 10:24:00 +1000

Lêpirsîna li ser wundakirina keça Kurd Gulîstan Doku hefteyek e didome. Kurê walîyê berê yê Dersîmê (Tuncelî) Mustafa Tuncel Sonel bi kuştina Gulîstanê tê tawanbarkirin û hate girtin. Bavê wî yê walî jî ji tarîkirina delîlan, bikaranîna erka dewletê tê tawanbarkirin. Walî Sonel, sê rojan berê li bajarê Elezîzê, bi nasnameyyeke sexte hate girtin. Lêpirsîna wî li bajarê Erzîromê destpêkir û roja Sêşemê (21/04/2026) ew dersixstin pêş dozger bi dexwaza girtinê. Heta niha 15 kes di vê lêpirsînê hatine girtin.

Tirkiyê–Îsraîl: Têkiliyên dîplomatîk bi sedema şerê Xezeyê têk diçin

Thu, 16 Apr 2026 11:00:00 +1000

Aloziyên di navbera Tirkiye û Îsraîlê de bi giranî ji ber piştgiriya xurt a Tirkiyê ji bo Filistînê û dijberiya li hember çalakiyên leşkerî yên Îsraîlê li Xezeyê, ku piştî 7ê Cotmeha 2023an bi tundî zêde bûn. Serokkomarê Tirkiyê Erdogan bi tundî rexne li Îsraîlê girt, ku ev yek bû sedema têkçûna têkiliyên dîplomatîk û Tirkiyê Îsraîlê bi sûcên şer tawanbar dkie. Zêdetir derbarê wê mijarê û mijarên din di raporta Hatice Kamer ji Amedê hene.

Hilbijartina serokatiyê li Iraqê yekîtiya siyasî ya Kurdî qels dike

Wed, 15 Apr 2026 14:18:00 +1000

Hilbijartina Nizar Amêdî wek serokê Îraqê nîşan dide ku di navbera Yekîtiya Niştimanî Kurdistan (YNK) û Partiya Demokratî Kurdistan (PDK) de dijberî berdewam e. Her çende ku serokatî bi gelemperî diçe siyasetmedarekî Kurd jî, nakokiyên di navbera van her du partiyan de aloziyeke siyasî çêkir. Ev dijberî bandorê li biryardanê û yekîtîya di navbera Herêmê û Iraqê de bi tevahî dike. Zêdetir di raporta Ehmed Xefûr ji Hewlêrê heye.

Bajarê Wanê yê geştiyar ji ber şerê li Îranê di krîza aboriyê de ye

Thu, 09 Apr 2026 16:00:00 +1000

Di şerê îranê de, di roja 40î de agirbesteke du alî hate ragihandin. Ev şer bandora xwe li ser hemî cîhanê heye. Lê li Tirkiyê, bajarê Wanê di warê aboriyê de di bin zinayeneke giran da ye. Her sal bi sed hezaran Îranî jibo geştiyarê berê xwe didan Wanê, bi taybetî di dema Newrozê de. Par nêzikî 800 hezar geştîyar hatin, lê îsal rewş xerab e. Odeya Pişesazîya Wanê dide xuyakirin ger şer dewam bike, ziyana Wanê wê ji milyar dolarî zêdetir be.

Welatiyên Herêma Kurdistanê ji bilindbûna buhayê alîktrîkê nerazî ne

Thu, 09 Apr 2026 14:01:00 +1000

Hejmareke mezin ji welatiyên Herêma Kurdistanê gilî û nerazîbûna xwe li hember bilindbûna buhayê aliktrîkê nîşan didin û daxwaz dikin ku buhayê wê were kêmkirin. Li bajarê Duhokê xelk li ber rîveberiya aliktrîkê nerazîbûna xwe nîşan da. Ji aliyekî din ve, bendavên Herêma Kurdistanê ji ber barana zêde û berfê tujî bûne, ev yek jî feydeyeke mezin digihîne welatiyêncotkar, geştiyar û karsazên Herêma Kurdistanê.

Helbestvanê navdar Ehmed Huseynî xatirê xwe ji cîhanê xwest

Thu, 02 Apr 2026 14:29:00 +1100

Di 10ê Adarê de helbestvanê navdar, Ehmed Huseynî jiyan ji dest da. Ehmed Huseynî ji ber nexweşîna penceşêrê li bajarê Stockholm li Swêdê xatirê xwe ji vê cîhanê xwest. Cenazeyê wî birin Amedê û li Navenda Kongreyê ya ÇandAmedê merasîmek hat lidarxistin. Di merasîmê de hevrêyên Huseynî, nivîsîkar, helbestvan, rojnamevan, nûnerên rêxistinên civaka sivîl û partiyên siyasî jî amade bûn. Peyamnêra SBS Kurdî Hatice Kamer ji me behsa merasîmê dike.

Êrîşên mûşekî yên Îranê li ser Herêma Kurdistanê berdewamin

Thu, 02 Apr 2026 14:18:00 +1100

Îranê di nav aloziyên herêmî yên zêdebûyî de bi mûşek û balafirên bêpîlot êrîşî Herêma Kurdistanê dike, ku deverên li Hewlêr, Silêmaniyê û Duhokê kirine armanc. Êrîşan li ser navendên leşkerî, binesaziyê û bi taybetî jî li ser mala serokê Herêma Kurdistanê xistine, û bûne sedema qurbanî û zirarên li deverên sivîl. Zêdetir derbarê mijarê di raporta Ehmed Xefûr ji Hewlêrê heye.

Kurd li Amedê bi dirûşmên azadî û aştiyê Cejna Newrozê pîroz kirin

Thu, 26 Mar 2026 18:00:00 +1100

Li bajar û navçeyên Kurdan, Newroz îsal li 53 cîhan bi awayekî girseyî hate pîrozkirin. Li Amedê digel baran û sermayê, bi deh hezaran kes ji bo pîrozkirina Sersala Kurdî li hev civiyan, bi agirê Newrozê, muzîk û gotaran rûdan pîroz kirin.

Êrîşa Îranê li sînorê Soran 6 Pêşmerge kuştin, 30 jî birîndar kir

Wed, 25 Mar 2026 14:17:00 +1100

Wezareta Pêşmerge ya Herêma Kurdistanê daxuyaniyek belav kir û ragihand ku di du êrîşên cuda de li ser hêzên Pêşmerge li sînorê Soran li parêzgeha Hewlêrê, şeş pêşmergeyan jiyana xwe ji dest dan û 30 pêşmergeyên din jî birîndar bûn. Wezareta Pêşmerge diyar kir ku êrîş bi şeş mûşekên balîstî yên Îranê hatine encamdan. Ev êrîş bû sedema nerazîbûn û bertekên berfireh li ser asta Herêma Kurdistanê û cîhanê.

Bi kêm coş lê bi hêvî: Bi hezaran kes li Amedê ji bo Newrozê xwe amade dikin

Thu, 19 Mar 2026 16:05:00 +1100

Li Trikiyê û li bajarên Kurdan, pîrozkirina Cejna newrozê destpêkiriye. Dê îsal li 53 navendan Newroz were pîrozkirin. Dirûşma Newroza îsal “Newroza Azadî û Yekîtiya Demokratîk” e. Şahîya li Amedê, wekî hersal di 21ê Adarê da ye. Ji ber rewşa Rojava û Rojhelat, coşîyek pir nîne lê çaverê ye ku bi dehan hezar kes beşdar bibin.

Alozî û êriş pîrozbahiyên Newrozê li Herêma Kurdistanê bandor dike

Wed, 18 Mar 2026 14:56:00 +1100

Ji ber alozî û êrîşên dawî, rêûresmên Newrozê li Herêma Kurdistanê hatine sînordarkirin. Tevî ku amadekariyên berfireh ji bo pîrozkirina cejna Newrozê li seranserî bajar û bajarokên Herêma Kurdistanê hatibûn kirin, bi taybetî li bajarê Akrê yê ku wek "Paytexta Newrozê" tê naskirin, îsal rûyê pîrozbahiyan hate guhertin.

Koçkirina Êzîdîyan e berdewam bi piştgirîya kêm ya Hukumeta Îraqê ve girêdayî ye

Fri, 13 Mar 2026 12:03:00 +1100

Zêdo Baedrî, şêwirmendê Parlemana Kurdistanê ye, di hevpeyvîneke digel nûçegîhanê SBS Kurdî Ehmed Xefûr behsa koçberbûna Êzîdiyan bo derveyî Iraqê dike. Ew herwiha behsa çarenivîsa keç û jinên Êzîdî ye ku ji aliyê çekdarên grûpa Dewleta Îslamî ve hatibûn revandin dike.

Bilindbûna aloziyên herêmî: Tirkiyê hişyariyê dide Îranê

Wed, 11 Mar 2026 17:28:00 +1100

Şerê Amerika/Îsraîlê li dijî Îranê di roja 12an da ye, ku di çar û dehê mehê de, du mûşekên Îranê li Tirkiyê hatin xistin. Serokomarê Tirkiyê Recep Tayîp Erdogan da xuyakirin û hişyariyên pêwîst bi zelalî ji Îranê re hatine ragihandin. Erdogan bi telefonê bi Serokomarê Îranê Pezîşkiyan re axivî û got ‘armancgirtina Îranê ya li ser welatên cîran sûdê nade tu kesî.’’ Zêdetir derbarê vê mijarê di raport Hatice Kamer ji Amedê heye.

Di du mehan de 58 jin li Turkiyê hatine kuştin

Wed, 25 Feb 2026 14:14:00 +1100

Di nav du mehan de li Tirkiyê 58 jin hatin kuştin, ku di 18ê mehê de şeş jin di rojekê de bi destê hevjînê xwe hatin kuştin. Yek ji wan, jineke 33 salî bû li bajarê Wanê. Hevjînê wê bi efuyê ji zindanê derketîye ku wî li ber çavên çar zarok û xwesiya xwe, hevjîna xwe Gonul Alkan bi derbeyên kêrê kuşt, ji ber ku Gonul telaqa xwe xwestîye.

Bang ji bo berfirehkirina Navenda Lalişê li cîhanê tê kirin

Wed, 25 Feb 2026 14:13:00 +1100

Navenda Laliş ji bo xizmetkirina tevahiya civaka Êzidî li seranserê cîhanê hatiye avakirin. Lewma ji nuha ve daxwaz hatiye kirin ku bêtir giringî bidin Navenda Lalişê û li welatên cîhanê yên ku civaka Êzidî lê dijîn, liqên nû yên Navenda Laliş bên vekirin, da ku bêtir xizmeta civaka Êzidî bikin.

Li Amedê bernameyên curbicur ji bo Roja Zimanê Dayikê li dardikevin

Fri, 20 Feb 2026 11:00:00 +1100

Roja 21ê Şibatê, Roja Zimanê Dayikê ye. Li Amedê jibo wê rojê komele û tevgerên zimên bernameyên curbicur amade dikin. Demet Ceylan behsa van bernameyan dike.

Xwediyê helbesta ‘Ez xortê Kurd im’ Mehmed Emîn Bozarslan koça dawî kir

Thu, 12 Feb 2026 17:30:00 +1100

Helbesta ‘’Ez xortê Kurd im, pir bi nav û deng", xwediyê wê, rewşenbîr, dîrokzan, zimanzan û nivîskarê Kurd Mehmet Emîn Bozarslan e, ku li welatê Swêdê koça dawî kir. Bozarslan ji Amedê ye û 49 salan ji welatê xwe dûr bû.

Peywendiya telefonî ya Mesûd Barzanî û Nûnerê Trump li ser Sûriyê

Wed, 11 Feb 2026 11:50:00 +1100

Baregeha Mesûd Barzanî ragihand ku roja Duşemê 9î Şibatê peywendiyeke telefonî di navbera rêzdar Mesûd Barzanî û Tom Barack, Nûnerê Donald Trump jibo karûbarên Sûriyeyê de hat encamdan, û tekeze li ser berdewamiya hevalbendiya gelê Kurdistanê û Amerîkayê kirin. Herweha di raporta Ehmed Xefûr ji Hewlêrê behx li ser dirêjkirina pêkanîna hukumeta Iraqê, û rênekeftina Partî û Yeketî li ser posta serokkomar ku qet li ser wê postê rênakevin.

Ji parlemanê heta operasyonan û desteserkirina zêdetirî 96 kesan

Thu, 05 Feb 2026 16:00:00 +1100

Serokê Partiya Netewperwer (MHP) Devlet Bahçelî roja Sêşemê li parlemena Tirkiyê got ‘Divê mafê hêviyê bidin Ocalan, Demirtaş jî azad bibe’. Bahçelî duyemîn care jibo Ocalan behsa mafê hêviyê dike. Hevserokê DEMê Tuncer Bakirhan jî banga Bahçelî bi erênî dibîne lê dibêje divê ev bang ji hukûmetê be. Ji aliyê din ve Wezareta Karê Navxwe li 22 bajaran operasyoneke berfireh li ser partî û dezgehên sosyalîst û çepgir pêk anî, 96 kes hatin desteserkirin ku di nav wan de şeş rojnamevan û serokê Partiya Sosyalîstên Bindestan (ESP) Murat Çepnî jî heye.

Tirs û kuştin li Îranê: birîndar ji tirsa girtinê serî li nexweşxaneyan nadin

Wed, 04 Feb 2026 12:33:00 +1100

Çavdêrên mafên mirovan dibêjin, pêvajoya serkutkirina Komara Îslamî ya Îranê li dijî xwepêşanderan, li gorî mafên navnetewî, belgeyeke eşkere ya sûcê li dijî mirovahiyê ye. Divê navendên serbixwe û navnetewî ji bo eşkere kirina hûrgiliyên zêdetir derbarê kuştinan de gavên neraziyê gavan bavêjin. Her wiha hatiye eşkerekirine ku hejmara kesên girtî zêdetirî 20 hezar kesin li Îranê. Kesên birîndar bûne, ji ber tirsê û ji bo ku neyên girtin, serî li navendên tenduristiyê nadin.

Ji Amedê heta Wanê, Stembolê heta Nisêbînê bi hezaran Kurd derdikevin meşê

Wed, 21 Jan 2026 16:58:00 +1100

Rewşa Rojava, li Tirkîye, li bajarê Kurdan dibe sedema nerazîbûnê û ji Amedê heta Wanê, ji Stembolê heta Nisêbînê bi hezaran Kurd ji bo piştigrîya Rojava li kolanan, di xwepêşandanan de beşdar bûn. DEM partî, civîna grûpa partîya xwe ya parlamenê, roja Sêşemê li sînor, li navçeya Nisêbînê, beramberê Qamişloyê lidarxist.

Bi hezaran kes li HK li dijî êrîşên hukûmeta Sûriyê xwepêşandan pêkanîn

Wed, 21 Jan 2026 16:49:00 +1100

Bi hezaran kes ji her çar parçeyên Kurdistanê li dijî êrîşên hukûmet û komên ser bi hukûmeta Sûriyê ve xwepêşandan pêkanîn. Wan bang li civaka navdewletî kin ku xwedî helwesteke cidî be heta Kurd neyên kuştin, birîndarkirin û girtin. Çend rojin şer û pevçûn di navbera Hêzên Sûriya Demokratîk (HSD) û Hukûmeta Demkî ya Sûriyê de derketin derketin holê.

Gelo geşedanên vê dawiyê bandoreke neyênî li ser pêvajoya aştiyê li Tirkiyê bike?

Thu, 15 Jan 2026 09:25:00 +1100

Bûyer û êrîşên li ser Kurdan, li bakurê Surîye, li Tirkiyê bi taybetî di nav raya giştî ya Kurdan de dibe sedema nerazîbûnan. Dayikên Aşitîyê bi otobêsan çûn Enqerê, li pêş Wezareta Karên Derve ya Tirkiye daxuyanî dan, helwesta Tirkiyê li hember van êrîşan şermezar kirin. Li parlemana Tirkiyê jî rojeva gotarên serokê MHP Dewlet Bahçelî û yê DEM Partîyê, Tuncer Bakirhan, mijara êrîş û pevçûnên li bakûrê Surîye bû. Gelo ev geşedan dikare bandoreke neyênî li ser pêvajoya ku li Tirkiyê didome, bike? KCK li ser van fikaran daxuyanîyek da û helwesta Tirkiyê rexne kir.

Bi hezaran kes li Herêma Kurdistanê li dijî êrîşên hukumeta Sûriyê derketin xwepêşandanê

Wed, 14 Jan 2026 12:51:00 +1100

Bi hezaran kes li Herêma Kurdistanê daketin ser kolan û nerazîbûna xwe li dijî êrîşên hukûmeta Sûriyê û komên çekdar yên nêzîkî hukûmetê yên li ser taxên ku piraniya wan kurd in li bajarê Helebê nîşan dan. Di wan êrîşan de hejmareke ji xelkê sivîl hatine kuştin, birîndarkirin, girtin û windakirin. Ji ber vê yekê, berpirsên Herêma Kurdistanê li dijî van êrîşan daxwaz dikin ku êrîş û şer bêne rawestandin da ku xelk zêdetir nebe qurbanî.

Barîna berfeke pir jiyana xelkê li Amedê û li navçeyên din dijwar kiriye

Fri, 09 Jan 2026 08:47:00 +1100

Li Amed û li gelek bajarên Kurdan r din îsal berfeke zêde bariya, li nav bajêr de nêzikî mîtroyek berf ket û pileya germê daket bin sifirê -17 derece. Pispor dibêjin ev afat û karesat e ku jiyana rojana asteng dike. Herweha di naveroka raporta Hatice Kamer ji Amedê gehs li ser gelo pêvajoya derbarê pirsa Kurd li Tirkiyê ji ber pêşketinên li bakur-rojhilatê Sûriyê di bin metirsiyê de ne, Serokê MHP Devlet Bahçelî jibo HSD û Mazlum Ebdî çi got û Dem Partî çi bersîv da?

81 kandîd ji bo serokatiya Iraqê hene, lê partiyên Kurdî ji bo yekîtiyê têdikoşin

Thu, 08 Jan 2026 09:28:00 +1100

Heta niha 81 kesan xwe ji bo wergirtina posta serokkomariya Iraqê kandîd kirine. Postên neteweya Kurd di nav hukûmeta Iraqê de her car rûbirûyî pirsgirêkan dibin û partiyên Kurdî li ser kandîdekî lihev nakin, lewma di dawiyê de bi piroseyeke aloz û tiji pirsgirêk re derbas dibe. Posta serokwezîrtiyê dikeve para pêkhateya Şîe zû zelal dibe, û posta serokatiya parlamenê jî jibo Suneyan hatiye danîn, ew jî bê pirsgirêk çareser dibe. Zêdetir derbarê mijarê di raporta Ehmed Xefûr ji Hewlêrê heye.

Siberoja sîyasî ya Iraqê di nezelaliyê de ye, hevrikî jibo desthilatdariyê heye

Wed, 24 Dec 2025 16:27:00 +1100

Şîe, Sunne û Kurd hewl didin ku postên bilind yên wekî Serokwezîrê Iraqê, Serokkomar û Serokê Perlemanê di nav xwe parevebikin. Şîe postê Serokwezîriyê, Sunne postê Serokê Perlemanê û Kurd jî posta Serokkomariyê dixwazin. Lê pirsgirêka sereke ewe ku tu alîyekî ji van her sê pêkhateyên sereke di nav xwe de li hev nekirine. Ji alîyekî din ve, xelk û berpirsên Besrayê daxwaz dikin ku "Herêma Besrayê" bête avakirin. Ev daxwaz çendîn car bi rêyên cuda hatîye kirin; yek ji wan bi xwepêşandanan.

Serfermandarê artêşa Lîbya di qezayeke balafirê li Tirkiyê mir

Wed, 24 Dec 2025 15:22:00 +1100

Firoka Wezîrê Berevanîyê yê Lîbyayê Muhammed Al Haddad li nêzikî paytexta Tirkîye, Enqerê ket. Digel Wezîr pênc kesên din di firokeyê de mirin. Wezîr Al-Haddad, ji aliyê Wezîrê berevanîya Tirkîyê Selçuk Bayraktaroglu hatibû vexwendin.

Amed sînema û şanoya Kurdî di hefteya çandê de pîroz dike

Thu, 18 Dec 2025 14:17:00 +1100

Li Amedê hefteyekê bernameyên kulturî çêbûn. Sêyemîn Festîvala Fîlman ya Amedê piştî heyşt rojan, di 14ê mehê de bi rêûresma xelata fîlman bidawî hat. Derhêner Ali Kemal Çinar bi fîlma ''Dîroka Wenda'' xelata Fîlma Metrajdirêj wergirt. Ji aliyê din ve, di 15ê mehê de, piştî neh salan, xelatên tekstên şanoya Kurdî jî hatin belavkirin. Di 7emîn xelatên Evdirehîm Rehmî Hekarî pêşbazîya Nivîsandina Lîstikên Şanoyê yên Kurdî de îsal xelata Yekemîn dan Îbrahîm Kazimî jibo teksta wî ya bi navê "Kela Dimdimê".

Xelk dilxweşiya xwe ji bo piştgirên yaneya Zaxo SC re nîşan didin

Wed, 17 Dec 2025 16:00:00 +1100

Piştgirên yaneya werzişî ya Zaxo, mezin û biçûk, li derveyî malên xwe şahiyan ji bo bidestxistina xelata FIFA ya piştgirên Herî Baş ên Sala 2025 diyar dikin. Bi hezaran kes ji bajar û bajarokên Herêma Kurdistanê xwe gîhandin stadyoma navneteweyî ya Zaxoyê û beşdarî şahiya mezin bûn.

Festîvala Fîlmên Navnetewî ya Amedê bi dirûşma 'Cîhan bi çîrokan tê cem hev' dest pê kir

Fri, 12 Dec 2025 11:00:00 +1100

Sêyemîn Festivala Fîlimên Navnetewi ya Amedê di 7ê mehê de li Amedê destpêkir û dê hefteyekê bidome. Di nav hefteyekê de 84 fîlim tên nişandan. Bi dehan derhêner û hunermend jî beşdar dibin. Diruşma Festîvalê “Dinya bi Çîrokan Tê Cem Hev”. Li alîkî din Komîsyona Parlementoya Tirkîyê bi gohdarkirina Abdullah Ocalan, dawî li proseya gohdarîkirina kes û sazîyan anî. Niha her partîyek di komîsyonê de li ser vê pêvajoyê pêşnîyar û fikarên xwe amade dikin.

Lehiyên kujer li HK dibin egera mirina çar kesan û wêrankirina bi sedan malan

Thu, 11 Dec 2025 15:00:00 +1100

Piştî baraneke dijwar ku vê hefteyê li seranserê Herêma Kurdistanê bariya, lehiyên berfireh çêkir, herî kêm çar kes mirin, bi dehan kes jî birîndar an jî winda e, û bi sedan mal û kargehan zirar dîtine. Herî zêde bandor li navçeya Çemçemal a parêzgeha Silêmaniyê bûye. Roja Sêşemê gera 12ê ya Festîvala Fîlmên Navdewletî ya Duhokê dest pê kir. Ev Festîval ji 110 fîlman pêk tê û dê hemî werin nîşandan, 45 fîlmên Kurdî û 65 jî biyanî ne. Festîvala Fîlmên Navdewletî ya Duhokê dê ji bo heyşt rojan berdewam bike.

Li Herêma Kurdistanê pevçûn di navbera hêzên ewlehiyê û xwepêşanderan de çêbû

Fri, 05 Dec 2025 15:00:00 +1100

Bikaranîna çekên neqanûnî û bêdestûr dibin sedema bûyerên nebaş û xirab, ku di encamê de kuştin û birîndarbûna mirovan çêdibe. Berî çend rojin li gundê Lacanê yê bi ser Parêzgeha Hewlêrê ve xwepêşandanek çê bû, ku têde kesek hate kuştin û şeş kesên din jî birîndar bûn. Hêzên ewlekariyê çend kesên ku alozî çêkiribûn girtin. Di heman xwepêşandana li gundê Lacanê de, rojnamevan û peyamnêr rastî îşkence û şikandina kelûpelên xwe hatin.

Dilsoziya alîgirên Zaxoyê ji bo Xelata Hezkiriyên FIFAyê hat berbijêrkirin

Fri, 28 Nov 2025 10:13:00 +1100

Xelata FIFA ya Hezkiriyan (FIFA Fan Award) yek ji xelatên herî binirx û cuda ya FIFA ye. Hezkiriyên Yaneya Werzişî ya Zaxoyê li Herêma Kurdistanê ji bo bidestxistina vê xelatê hatine berbijêrkirin. Alîgirên Zaxoyê di sala 2025an de, bi avêtina bûk û leystikan nav yarîgehê ji bo zarokên bi nexweşiya penceşêrê, ciwantirîn û mirovdostanetirîn dîmen di cîhana fûtbolê de çêkirin.

Sê partîyên siyasî ji bo hevdîtina Ocalan serdana Îmraliyê kirin

Thu, 27 Nov 2025 15:00:00 +1100

Di 24ê Mijdarê de ji Komîsyona Parlemana Tirkîyê sê parlementer çûn hevdîtina Abdullah Ocalan. Ji AKPê, Cîgirê Serok Huseyîn Yayman, ji MHPê, Serokê Grûpê Fetî Yildiz û ji DEM Partîyê, Cîgira Grûpê Gulistan Kiliç Koçyigit çûn Girava İmraliyê. Yekem car e ku ji bilî DEM Partîyê, parlamenterên Tirk diçin serdana Abdullah Ocalan dikin. Li alîyekî din, li Amedê ji bo 25ê Mijdarê Roja Navneteweyî ya Ji-holêrakirina Tundiya li ser Jinan, bi pêşengîya Tevgera Jina Azad (TJA) meşeke girseyî li darket. Di axaftinan de hate gotin ‘’Tundiya li ser jinan pişta xwe ji sîstêma hêza serdest a mêran digire.’’

Dîlan Guvenç: "Mixabin hişmendiya zimanê Kurdî hêdî hêdî kêm dibe"

Tue, 25 Nov 2025 11:30:00 +1100

Di 17î Mijdarê de li Amedê 750 sazî û dezgehên Kurd bi daxuyanîyeke hevpar bang li dewletê kirin. Deklerasyonê ji 750 dezgehan dexwaza Zimanê Kurdî bi awayekî fermî bê nasîn û bibe xwedî statu. Herweha Zimanê Kurdî ji baxçê zarokan heta zanîngehan bibe zimanê perwerdehiyê.

MEPS2025 rêberên Kurd û navnetewî ji bo pêşxistina aştî û ewlehiyê dicivîne

Thu, 20 Nov 2025 16:43:00 +1100

Şeşemîn Foruma Aştî û Ewlehiyê ya Rojhilata Navîn (MEPS 2025) li Duhokê bi beşdarbûna bi sedan rêber, berpirs û dîplomatên herêmî, Iraqî û navneteweyî hate lidarxistin. Di forûmê de gelek mijarên girîng li ser asta navxweyî û herêmî nîqaş hatin kirin.

Tundûtûjiya li ser jinan li Tirkiyê herku diçe zêde dibe

Fri, 14 Nov 2025 11:00:00 +1100

Serdozgeriya Stembolê li dijî Ekrem İmamoglu iddianameya xwe temam kir. Jibo Îmamoglû 142 sucên cuda ceza tê xwestin ku ew ji Adara 2025an de girtî ye. Li alîkî din piştî biryara Dadgeha Mafê Mirovan, hêvî û bendewarîyên jibo azadîya Demirtaş didome. Lê gelek rûniştvanên Amedê bawer nakin ku ew bê azadkirin. Di çarçova 25ê Mijdarê Roja Tekoşîna li Dijî Tûndûtûjiya li ser jinan, çendîn çalakî lidardikevin.

Hilbijartinên Iraqê bi dawî bûn — gelo dê kengê hkûmeteke nû ava bibe?

Thu, 13 Nov 2025 15:00:00 +1100

Wek tê zanîn ku roja Sêşemê 11 Mijdarê Hilbijartina Parlemana Iraqê cî girtin, û Komîsyona Bilind a Serbixwe ya Hilbijartinan a Iraqê, encamên destpêkê yên herdu proseyên dengdana giştî û taybet ragihand. Komîsyonê rgihand ku zêdeyî 12 milyon kes beşdarî proseya dengdanê bûn. Dengdan bi gîştî li Herêma Kurdistanê bi aramî derbas bû lê li hin deverên dervayî Herêmê hin pirsgirêk çê bûn. Nûçegîhan Ehmed Xefûr ji me re behsa hûrgiliyên roja dengdanê dike.

Çi tedbîr ji bo hilbijartinên li Iraqê têne girtin

Thu, 06 Nov 2025 17:40:00 +1100

Komîsyona Hilbijartinê ya Iraqê ji bo misogerkirina ku binpêkirin çênebin û mafên wekhev ji bo hemî namzed û lîsteyên hilbijartinê li Iraq û Herêma Kurdistanê li gorî qanûnê bin, rêbername û biryarên nû derxist. Di hilbijartinên berê de, çend namzed û lîsteyên hilbijartinê rêbername û qanûnên Komîsyonê binpê kirin, vê carê Komîsyon bi alîkariya çavdêrên navneteweyî, konsulxane û balyozxaneyan hewlên cidî didin da ku pêşî li her sextekarî û binpêkirinan bigirin.

Ewropa dest bi vegerandina penaxwazên neyasa dike

Fri, 31 Oct 2025 08:33:00 +1100

Ev bû demeke ku hejmareke mezin ji penaber û koçberan ji welatên Ewropî bi taybetî ji Almanya û Brîtanya bo Îraq û Herêma Kurdistanê tên vegerandin. Karbidestên wan welatan wan penaxwazan ji ber hin egeran vedigerîn. Egerên weke çûna koçberan bo welatên Ewropî bi awayekî neyasayî, herweha rêkeftina di navbera Îraqê û hin welatên di Yeketiya Ewropî de bo vegerandina panaxwazên ku bi şêweyeke neyasayî çûne.

Çekdarên PKKê di çarçoveya peymana çekdenînê de ji Tirkiyê vekişiyan

Thu, 30 Oct 2025 15:00:00 +1100

Partiya Karkerên Kurdistanê (PKK) roja Yekşemê ragihand ku ew di çarçoveya pêvajoya çekdanînê de ku bi hukûmeta Tirkiyî re tê hevrêzkirin, ji Tirkiyê vedikişe, û zextê li Enqerê dike ku gavên pêwîst bavêje da ku ew bikaribe bikeve siyasetê. Em derbarê vê mijarê bi nûçegîhan Hatice Kamer re dipeyvin.

Krîza aborî beşdarbûnê li Pêşangeha Pirtûkan a Amedê kêm dike

Fri, 24 Oct 2025 10:31:00 +1100

Nehemîn Pêşengeha Pirtûkan ya Diyarbakir di 18ê mehê de destpêkir û roja yekşemê bidawî tê. Ji 30 weşanxane, komele, sazî û dezgehên Kurdî zêdetir di pêşangehê de beşdar bûn û di nav heşt rojan de bi dehan çalakîyên kultûrî hene. Weke gotûbêj, xwendina çîrok û helbestan, û imzekirina pirtûkan. Îsal beşdar kêmin, weşanxane balê didin ser bandora xerab ya krîza ekonomîk li Tirkiyê. Parlamena Tirkiyê roja Sêşemê 21ê Cotmehê daxwaza Serokomar Recep Tayyip Erdogan a dirêjkirina dema operasyonên Artêşa Tirkiyê li Sûriye û Iraqê ji bo sê salên din pejirand. Zêdetir derbarê mijarên li jor di raporta ji Amedê de heye.

Rexneyên berfireh yên raya giştî li hukûmetên Iraq û Herêma Kurdistanê hene

Wed, 22 Oct 2025 12:32:00 +1100

Herdu perlemanên Îraq û Herêma Kurdistanê bûne ciyê rexne û gilî û gazincên mezin ji alîyê xelk ve. Komisyona Helbijartinên Îraqê bo roja dengdanê jiber saxtekarî hindek biryar derxistin, di nav de birina mobayil û kamîra bo hola dengdanê qedexe kir. Zêdetir derbarê wan mijaran û yên din di raporta Ehmed Xefûr ji Hewlêrê heye.

Baroya Wanê di mirina Kabaiş de îhmalkariya edlî îdia dike

Fri, 17 Oct 2025 11:42:00 +1100

Dadgeha Mafê Mirovan di meha Tîrmehê de li ser Doza Kobaniyê jibo Selahattîn Demirtaş biryar da ku divê Tirkîye wî azad bike ku dadgeh bawer dike biryara girtina Demirtaş biryareke siyasî ye. Hêvî hebû jiber pêvajoya aşitîyê Tirkîye li dijî biryara dadgehê dernekeve û Demirtaş di 8ê mehê de azad bibe lê Tirkîye îtiraz kir. Rojîn Kabaîş a 21 salî, ji Amedê, xwendekara Zanîngeha Wanê, salekê berê di Gola Wanê de mirî hate dîtin. Lêpirsîn li ser gûmana ku Rojîn xwe kuştibe desrpêkir lê malbata wê li dijî vê îdiayê derdikeve û bawer dikin keça wan hatiye kuştin.

Pêşbirka hilbijartinên parlementoya Iraqê dest pê kir

Wed, 15 Oct 2025 17:01:00 +1100

Bangeşa helbijartinê bo perlemana Îraqê li herêma kurdistanê destpêkiriye ku bangeşeke gerim birêve diçe û partên desthelat û opozisyûn bangeşa xwe bê pirisgirêk birêve dibin. Roja Sêşemê firokeyeka bê firokevan li sînora Qendîlê kete xwarê, ev jî piştî ku dever bombaran kir û her dem û demekê hinek deverên Herêma Kurdistanê tên burdoman kirin. Vê yekê dilgiranîyeke mezin li gel xelkê wan gundên sînorî çêkirye. Zêdetir derbarê van mijaran di raporta Ehmed Xefûr ji Hewlêrê heye.

Parêzerê hevşaredarê Amedê li ser doza wî û rewşa girtîgehê diaxave

Thu, 18 Sep 2025 16:00:00 +1000

Raporta vê hefteyê, hevpeyvîneke digel parêzer Mehmet Emîn Aktar, parêzerê hevaşeradarê Amedê, Adnan Selçuk Mizraklî ye. Mizrakli şeş sal in li girtîgeha Edirne girtî ye, ew digel Selahattîn Demirtaş dimîne.

Tenduristiya Silêmaniyê di krîzeke mezin a kêmbûna dermanan de ye

Wed, 17 Sep 2025 11:00:00 +1000

Demeke dirêj e ku arîşa nebûna derman û hewcedariyên nûjdarî li nexweşxaneyên sînorê parêzgeha Silêmanîyê çêbûye. Nebûna dermanan metirsîyeke mezin li ser jiyana bêtir ji 40 hezar nexweşên dom dirêj li sînorê parêzgeha Silêmanîyê çêkirye. Wezîrê Tenduristiya Hukûmeta Herêma Kurdistanê û Tenduristiya Silêmanî bizavên mezin dikin ji bo çareserkirna nebûna dermanan.

Salek derbas bû û hîn kujerê Narîn Guran nehatiye zanîn

Fri, 12 Sep 2025 11:25:00 +1000

Li Amedê, li gondê Çolî, di 19ê Tebaxê de zarokeke 9 salî wunda bû, navê wê Narin Guran bû. Meytê wê piştî 18 rojan di newalek de hate dîtin. Dayika wê Yuksel, birayê wê Enes (19), Apê Salim Guran, bi sûcê kuştina Narînê bi hetahetayê hatin cezakirin.

Gelo mimkun be hêzên Pêşmerge bibin yek?

Thu, 11 Sep 2025 15:00:00 +1000

Şîrketa pêwindiyan ya bi navê Korek Telecom ya Îraqî ye û navenda wê li bajarê Hewlêrê li Herêma Kurdistanê ye. Şîrket berî niha rastê sizayê hatibû û heya niha ew pirsa nehatîye çarekirin. Herweha di naveroka raporta ji Hewlêrê bizavên mezin jibo yekgirtina herdu hêzên 70 û 80 yên hêzên pêşmergeyên Kurdistanê hatîye kirin ku herdu bibin yek û bikevin jêr desthelata Wezareta Pêşmerge û Hukûmeta herêma kurdistanê. Zêdetir derbarê wan mijaran di raporta Ehmed Xefûr ji Hewlêrê heye.

Şanoya bajarê Amedê car din perdeya lîstikvaniyê vedike

Fri, 05 Sep 2025 15:45:00 +1000

Şanoya bajarê Amedê perdeya xwe bi lîstikeke jinan vekir. Navê lîstikê JİN e û ji derhêner heta listikvanan jinin. Derhêneriya şanoyê Mizgîn Bîlmen e, koreografiya wê Bêrîvan Savgat û dramaturgiya wê jî Berfîn Emektar e. Herweha di raportê de behs li ser meşa 1ê îlonê Roja Aşitiya Cîhanê dibe ku bi hezaran welatî, ji bo dexwaza aşitiyê meşeke girseyî lidarket. Raporta Hatice Kamer.

Diyarbakir: Komeleya Zimanê Kurdî li Îzmîrê piştî 14 rojan derî girtî car din vedibe

Fri, 15 Aug 2025 09:43:00 +1000

Nûçegîhan Hatice Kamer ji Amedê hevpeyvînek bi hevserokê Komeleya Avesta, Remezan Kaygusuz re pêk aniye. Di 1ê meha Tebaxê de, şaredariya Konakê ya bajarê İzmirê, deriyê komeleya Avestayê mohr kir. Lê piştî bertek û nerazibûnên zêde, şaredariyê piştî 14 rojan deriyê komeleya Kurdî vekir. Şaredarî ji bo hiceta morkirina komeleyê got 'ruxsata wê ji bo perwerdehiyê nîne'. Hevserokê komeleyê Ramazan Kaygusuz, li dijî morkirina deriye komelê gotibû ''Yê ku hate morkirin ne deriye komeleyê ye, zimanê Kurdî ye.''

Bi milyonan niştecih li Herêma Kurdistanê sûdê ji hatina elektrîkê digirn

Wed, 13 Aug 2025 15:00:00 +1000

Wezareta Elektrîkê ragihand ku niha zêdetir ji 2.7 milyon kesên li Herêma Kurdistanê 24 saetan elektrîk hene. Herweha, di naveroka raporta Ehmed Xefûr ji Hewlêrê nûçeyeke din heye ku 2 kesên ji Bexdayê hatibûn Herêma Kurdistanê û li Hewlêrê li benzîn xaneyekê hatibûn kuştin.